18.01.2012

Árið fer vel af stað og góð eftirspurn eftir íbúðum.

Árið 2012 fer vel af stað og margt áhugavert í gangi. Greinilegt er á símtölum okkar við viðskiptavini að það er hugur í þeim og áhugi á að láta verða að kaupum eða sölum. Eins og janúar fer af stað er greinileg breyting í þá átt að fleira yngra fólk er byrjað að skoða sig um og velta fyrir sér kaupum á sinni fyrstu íbúð.  Þar sem viðskipti síðustu ára hafa verið mörkuð af áhrifum kreppunnar og ungt fólk ekki mikið verið að fjárfesta finnum við fyrir því að oftar en ekki er ungt fólk jafnvel búið að stofna fjölskyldu og eignast börn. Þarfirnar eru því aðeins breyttar því nú er ungt fólk frekar að leita sér að 3ja til 4ra herbergja íbúðum heldur en að byrja á því að kaupa sér sína fyrstu íbúð sem tveggja herbergja. Nú er svo komið að á okkar söluskrá vantar fleiri 3ja til 4ra herbergja ibúðir til að mæta aukinni eftirspurn. Við hvetjum því þá sem eru í vangaveltum með sölu á sinni eign að hafa samband við okkur og leita frekari upplýsinga. Við skoðum hratt og vel á sanngjörnum kjörum.

 

10.01.2012.

Jæja þá er árið 2012 komið í allri sinni dýrð og byrjað á einmuna blíðu um allt land.   En ekkert væl!  Við erum öll mætt aftur eftir jólahátíðina og langar að takast á við spennandi  verkefni ársins með sömu ánægju,  fagmennsku og áður fyrr.

08.11.2011

Fasteignamarkaðurinn  á höfuðborgarsvæðinu í október 2011.

Skv. Þjóðskrá ÍslandsFjöldi þinglýstra kaupsamninga um fasteignir við sýslumannsembættin á höfuðborgarsvæðinu í október 2011 var 393. Heildarvelta nam 11,2 milljörðum króna og meðalupphæð á hvern kaupsamning var 28,6 milljónir króna. Viðskipti með eignir í fjölbýli námu 7,2 milljörðum, viðskipti með eignir í sérbýli 3,1 milljarði og viðskipti með aðrar eignir 0,9 milljörðum króna.

 

Þegar október 2011 er borinn saman við september 2011 fækkar kaupsamningum um 13,2% og velta minnkar um 7,8%. Í september 2011 var þinglýst 453 kaupsamningum, velta nam 12,2 milljörðum króna og meðalupphæð á hvern kaupsamning 26,9 milljónir króna.

Þegar október 2011 er borinn saman við október 2010 fjölgar kaupsamningum um 32,8% og velta eykst um 42%. Í október 2010 var þinglýst 296 kaupsamningum, velta nam 7,9 milljörðum króna og meðalupphæð á hvern kaupsamning 26,7 milljónir króna.

Makaskiptasamningar voru 23 í október 2011 eða 6,1% af öllum samningum. Í september 2011 voru makaskiptasamningar 15 eða 3,5% af öllum samningum. Í október 2010 voru makaskiptasamningar 36 eða 12,7% af öllum samningum. Makaskiptasamningur er þegar hluti kaupverðs er greiddur með annarri fasteign. Upplýsingar um makaskiptasamninga eiga eingöngu við um íbúðarhúsnæði.

Vakin er athygli á að meðalupphæð kaupsamnings er ekki hægt að túlka sem meðalverð eigna og þar með sem vísbendingu um verðþróun. Þetta er vegna þess að hver kaupsamningur getur verið um fleiri en eina eign auk þess sem eignir eru misstórar, misgamlar o.s.frv.

 

 

20.09.2011

Fleiri eignir!

Nú sárvantar okkur fleiri eignir á söluskrá. Við bjóðum áralanga trausta og faglega þjónustu á sanngjörnu verði.  Við sölumetum hratt  og öruggglega.  Við ráðleggjum þér með næstu skref og  metum strauma og stefnur á fasteignamarkaði hverju sinni.   Sért þú í söluhugleiðingum skalt þú leita til okkar.

 

26.08.2011

 

Velta á markaði.

 

Skv Þjóðskrá var fjöldi þinglýstra kaupsamninga á höfuðborgarsvæðinu 19. ágúst til og með 25. ágúst 2011 var 83. Þar af voru 60 samningar um eignir í fjölbýli, 15 samningar um sérbýli og 8 samningar um annars konar eignir en íbúðarhúsnæði. Heildarveltan var 2.685 milljónir króna og meðalupphæð á samning 32,4 milljónir króna. 

Á sama tíma var 5 kaupsamningum þinglýst á Suðurnesjum*. Þeir voru allir um eignir í fjölbýli. Heildarveltan var 58 milljónir króna og meðalupphæð á samning 11,7 milljónir króna

Á sama tíma var 8 kaupsamningum þinglýst á Akureyri. Þar af voru 5 samningar um eignir í fjölbýli og 3 samningar um sérbýli. Heildarveltan var 302 milljónir króna og meðalupphæð á samning 37,8 milljónir króna.

Á sama tíma var 2 kaupsamningum þinglýst á Árborgarsvæðinu**. Þar af var 1 samningur um sérbýli og 1 samningur um annars konar eignir en íbúðarhúsnæði. Heildarveltan var 24 milljónir króna og meðalupphæð á samning 12,1 milljón króna.

Salan hjá okkur hefur verið jöfn allt árið svo söluskráin hefur eitthvað dregist saman.  Núna vantar okkur  allar tegundir fasteigna af höfuðborgarsvæðinu og nágrenni á söluskrá okkar. 

17.08.2011

Allir komu þeir aftur og e.....

Kæru viðskiptavinir.  Nú er skrifstofan búin að endurheimta alla sína starfsmenn úr sumarfríi.  Sumarið hefur greinilega verið gott því allir komu þeir aftur  brúnir og sælir.  Núna getum við sett allt á fullt og klárað þau verkefni  sem voru hafin og bætt við okkur nýjum verkefnum.  Við hlökkum til að takast á við verkefni næstu missera og tökum alltaf vel á móti öllum viðskiptavinum.  Sama tilboð og alltaf!  Góð fagleg og traust þjónusta. 

 

 

21.07.2011.   

Sumarfrístími landans.

Kæru viðskiptavinir.  Nú stendur yfir hásumarfrístími landans og einnig hjá okkar starfsfólki.  Við óskum þess að þið sýnið biðlund með símsvörun og notið óhikað talhólf og netfang okkar heimili@heimili.is ásamt netföngum starfsmanna.   Við höfum bætt við okkur starfsmanni.  Sá heitir Tryggvi Kornelíusson.  Sá hinn sami hefur starfað með okkur áður og er því nokkrum kunnugur.  Sími hans er 8917307 og netfang hans tryggvi@heimili.is

11.07.2005

 

Enn eykst velta á markaði!

skv. Fasteignamati ríkisins  var fjöldi þinglýstra kaupsamninga á höfuðborgarsvæðinu 1. júlí til og með 7. júlí 2011 var 121. Þar af voru 93 samningar um eignir í fjölbýli, 20 samningar um sérbýli og 8 samningar um annars konar eignir en íbúðarhúsnæði. Heildarveltan var 3.115 milljónir króna og meðalupphæð á samning 25,7 milljónir króna.   Markaðurinn hefur tekið við sér á þessu ári sem var nauðsynlegt.  Nú er sumarfrístími landsmanna í hámarki.  Áhrif þess tímabils má oft sjá á veltutölum.  Ekki er ólíklegt að næstu vikur verði rólegri en sú síðasta.  Orsakir  hafa oftast verið eins og áður sagði sumarfrístími landsmanna. Það gengur jafnt yfir kaupendur og seljendur, starfandi fasteignasala og starfsfólk fyrirtækja og stofnana sem tengast beint og óbeint fasteignamarkaðinum. 

 

 

17.05.2011

Fasteignaverð hækkar enn skv  vísitölu mælingum FMR. 

Vísitala íbúðaverðs á höfuðborgarsvæðinu var 311,3 stig í apríl 2011 (janúar 1994=100) og hækkar um 0,7% frá fyrri mánuði. Síðastliðna 3 mánuði hækkaði vísitalan um 2,1%, síðastliðna 6 mánuði hækkaði hún um 1,6% og síðastliðna 12 mánuði hækkaði hún um 2,7%.Vísitala íbúðaverðs á höfuðborgarsvæðinu sýnir breytingar á vegnu meðaltali fermetraverðs.

Hvað veldur?  Fasteigasalar  tala um að framboð sé mun minna en eftirspurn og það taki marga kaupendur  nokkrar vikur og mánuði að finna sína réttu eign eftir að hafa selt.  Augljós skortur  er á sérhæðum og fimm herbergja íbúðum á verðbilinu 25- 35 m.  Nokkrar fasteignasölur auglýsa stíft eftir nýjum eignum á söluskrá og nokkrar á áberandi örvæntingarfullan hátt með  margvíslegum tilboðum.  En skv öllum markaðsfræðum hækkar verð á hlut  sem lítið framboð  er á en meiri eftirspurn. 

08.05.2011

Það sem af er árinu hefur verið lífleg sala og ef eitthvað er eftirspurn í ákveðnum hverfum töluvert meiri en framboð. Þannig vantar á okkar söluskrá sérbýli og hæðir í eldri hverfum borgarinnar. Sala í úthverfunum hefur einnig verið nokkuð jöfn og stígandi, þannig vantar á markaðinn fleiri sérbýli t.d. í Grafarvogi og Grafarholti. Kaupendur eru mjög meðvitaðir um markaðinn og fylgjast vel með því sem er í gangi. Eignir sem settar eru á sölu á of háum verðum fá ekki viðbrögð en þær sem eru verðlagðar út frá núverandi markaði fá góða svörun og seljast oftar en ekki hratt og örugglega, skiptir þá staðsetning ekki höfuðmáli.

Í síðustu viku hóf Arion banki að lána allt að 80% að kaupverði eigna. Það er jákvætt fyrir markaðinn að bankarnir eru aftur farnir að lána á ágætum kjörum, en þó þannig að kaupandi þarf alltaf að leggja fram 20% eigið fé til kaupanna, líkt og verið hefur hjá Íbúðalánasjóði undanfarin ár.

Það eru því nokkuð líf á markaðnum og hann allur á leið í rétta átt.

 

Skráðu eignina þína hjá okkur

Heimilisfang:

Póstfang:

Símanúmer:

Þinglýstur eigandi:

Heimili Skipholt 29a, 105 Reykjavík. Sími 530 6500 Kt. 410702-2820