Litli-Kambur 0, Snæfellsbær
85.000.000 Kr.
Lóð / Jarðir
0 herb.
909 m2
85.000.000
Stofur
Herbergi
0
Baðherbergi
Svefnherbergi
Byggingaár
0
Brunabótamat
147.234.000
Fasteignamat
33.516.000
Sjá allar myndir stórar DEILA Senda á vin Sækja sölubækling

Heimili fasteignasala kynnir jörðina Litla-Kamb, sem er í fallegu umhverfi miðja vegu milli Arnarstapa og Búða á sunnanverðu Snæfellsnesi.  Litli-Kambur er u.þ.b. 190 hektarar lands og standa bæjarhúsin við þjóðveginn.  Um 80 ha landsins eru neðan við veginn og nær allt niður á gula sandströndina.  Þá teygir jörðin sig upp til fjalls og liggur að Grafará og fossum hennar í hlíðinni ofan við bæinn. Tún eru 16,2 ha. og eru þau slegin ár hvert.
  
Íbúðarhúsið, sem er 131,8 fm og reist árið 1956, hefur nýlega verið endurnýjað með smekklegum hætti að innan.  Í skipulagi hússins er lítil forstofa, gangur, eldhús með nýrri innréttingu, góð stofa og borðstofa, fjögur svefnherbergi, baðherbergi og gestasnyrting sem bæði hafa verið endurnýjuð með nýjum hreinlætistækjum, flísalögn og innrétingum.  Öll gólfefni eru ný.  Skipt hefur verið um glugga og ofna í húsinu og lagnir endurnýjaðar að hluta.  Komið að endurnýjun þakjárns og ytra birgðis hússins, en þakjárn hefur verið keypt og fylgir það með.

Hlaða hefur verið endurbyggð og nú skráð 198,2 fm sýningasalur/veitingasalur.  Hlaðan hefur verið einangruð og klædd utan, þak endurnýjað, gólf flotað, lögnum komið fyrir og lýsing sett upp á skemmtilegan hátt.  Stór vesturgluggi gefur mikla birtu og færir náttúruna - Stapafell og Snæfellsjökul - nánast inná gólf.  Í byggingunni eru nú sex gestasalerni. Borað var fyrir vatni, sem nýtt er í húsinu, auk þess sem sett var nýtt frárennsli og rotþró.  Upphitun salar er "loft-í-loft". 
Að öðru leyti hafa útihús og vélageymsla ekki verið í notkun um nokkurt árabil og ástand þeirra í samræmi við það. Að öllu meðtöldu er húsakostur jarðarinnar 909,9fm. samkv. þjóðskrá.

Litli-Kambur er í u.þ.b. 2ja tíma akstursfjarðlægð frá Reykjavík og hentar vel til ferðaþjónustureksturs, hestamennsku o.fl, eða fyrir þá sem vilja hreiðra um sig í nánum tengslum við náttúrufegurð gamla Breiðvíkurhrepps.  Þar setja hraun, gróður og spriklandi smálækjasprænur mark sitt á umhverfið.

Allar nánari upplýsingar veitir Ragnar Þorgeirsson, löggiltur fasteignasali, í síma 774 7373 og ragnar@heimili.is   





Sækja sölubækling

Vinsamlegast fyllið út formið hér fyrir neðan!

CAPTCHA code


Ragnar Þorgeirsson
Löggiltur fasteignasali / viðskiptafræðingur