Heimili fasteignasala kynnir í einkasölu: Otrateigur 2 - endaraðhús með aukaíbúð í kjallara og bílskúr við hlið hússins. Í aðalíbúð húsins eru fjögur svefnherbergi. Skjólgóður garður í suður.

Samkvæmt skráningu frá HMS er birt stærð mið- og efstu hæðar 120,9 fm. Íbúð í kjallara er 47 fm auk sameignar 25,1 fm og bílskúrinn er 22,1 fm.  Heildarstærð eignarinnar er því 215,1 fm.

Eignin er eingöngu til sölu í skiptum fyrir minni eign í hverfinu.  Allar frekari upplýsingar veitir Finnbogi Hilmarsson fasteignasali, [email protected]

Lýsing eignarinnar: Komið er inn í forstofu á miðhæð aðalíbúðar, forstofan er með flísum og fatahengi.  Rúmgott hol með parketi. Gestasnyrting með flísum á gólfi og glugga, var endurnýjuð 2008. Eldhús með eldri innréttingu og ágætum borðkrók, parket á gólfi. Björt stofa og borðstofa með parketi á gólfi, suðursvalir eru út frá stofunni og er gengið af þeim niður í fallegan skjólgóðan garð. Úr holinu er gengið upp fallegan teppalagðan stiga á efri hæðina, fallegur gluggi á stafninum gefur skemmtilega birtu. Komið er upp á teppalagt hol. Rúmgott hjónaherbergi með parketi á gólfi og fataskápum, útgengt út á svalir i suður. Þrjú rúmgóð svefnherbergi, eitt með parketi, annað með dúk og það þriðja með teppi. Í teppalagða herberginu eru miklir fataskápar.  Baðherbergi flísalagt í hólf og gólf, baðkar og innrétting, endurnýjað 2010.

Innangengt er í kjallarann úr holinu á miðhæðinn, en einnig er sérinngangur. Þvottahús með sturtuklefa. Séríbúð með ágætu eldhúsi. Björt stofa og svefnherbergi með parketi. Snyrting er með flísum á gólfi (er undir stiga). Hitakompa þar sem einnig eru inntök fyrir hita í gangstíg. 

Bílskúrinn er staðsettur við hliðina á húsinu og er hann fullbúinn með hita, vatni og rafmagni. Á bílskúrnum er inngönguhurð á hliðinni og gluggar, við bílskúrshuðina er geymsla. Nýlega hefur verið skipt um þakjárn og hluta klæðningar í þaki bílskúrsins. Bílskúrinn tengist við húsið og veitir mjög gott skjól í garðinum. Hiti er í hellulagðri gangstétt fyrir framan húsið.

Mjög góð staðsetning rétt við Laugardalinn. Göngufæri í Laugarnesskóla, Laugalækjarskóla, leikskóla og íþróttaaðstöðu Þróttar og Ármanns í Laugardal.  Stutt í Kaffi Laugalæk, Pylsumeistarann, Brauð og Co, Ísbúðina, Laugardalslaugina, Heilsugæsluna á Kirkjusandi, alla útivist í Laugardalnum, Kaffi Flóru o.fl.

Allar frekari upplýsingar veitir Finnbogi Hilmarsson fasteignasali, [email protected] 

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Heimili fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar í samræmi við gjaldskrá viðkomandi lánveitanda.
4. Umsýslugjald kaupanda er kr. 79.900. 
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á af viðkomandi sveitarfélagi.
 
Heimili fasteignasala – á traustum grunni frá 2002.
Grensásvegi 3, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.
Upplýsingar um starfsfólk má finna á heimasíðu Heimili og á Facebook.